torsdag 7. mars 2013


Språkkveld om Ivar Aasen og språkåret
på Elverum bibliotek
Torsdag 14. mars kl. 1900
 

Var Ivar Aasen – rota til alt vondt, er eit av spørsmåla som det vil bli høve til å reflektere over 14. mars på Elverum bibliotek.
 
Elverumsingen Kristin Fridtun vil kåsere over temaet. Ho har studert språk og litteratur i Trondheim og er master i norrøn filologi. For tida arbeider ho som skribent og forfattar. Hausten 2012 gav ho ut boka Norsk etymologisk oppkok (Samlaget).
 
Kristin Fridtun
 
Med seg denne kvelden har ho norskamanuensis ved Høgskulen i Hedmark, Jens Haugan, som vil snakke om norsk språkhistore. Haugan vil også synge tekster, som han har tonesett, av elverumsdiktaren Åsmund Sveen.
 

Jens Haugan
 
 
Arrangementet er ei markering av språkåret , og av at Nynorskstafetten er i Elverum. Det er 200 år sidan Ivar Aasen vart fødd og nær hundre år sidan Elverum mållag vart skipa. Framleis lever to norske språk side om side, og det språklege mangfaldet i vår eigen kommune er stort.
 
Arrangør er Elverum mållag i samarbeid med Elverum bibliotek.

Ingen kommentarer: